Louis (XIV), De Guénégaud [signé] [1649], LETTRE DV ROY, ENVOYEE A MESSIEVRS LES PREVOST des Marchands & Escheuins de sa bonne Ville de Paris, au subjet du siege mis deuant Cambray par l’Armée de sa Majesté, commandée par Monseigneur le Comte d’Harcourt. Apportée le trentiéme iour de Iuin par le Sieur de Sainctot Maistre des Ceremonies du Roy. , françaisRéférence RIM : M0_2180. Cote locale : A_1_93.
-- 3 --
DE PAR LE ROY.
TRES CHERS ET BIEN AMEZ,
Comme nous ne pouuons doubter que
nostre bonne Ville de Paris ne souhaitte
auec autant de passion, le succez de nos
desseins, qu’elle est interessée aux prosperitez
de cét Estat, & que tous les bons
Bourgeois & habitans d’icelle ont tousjours parû & se
monstrent iournellement de plus en plus affectionnez
à nostre personne & à nostre seruice : Aussi nous ne
pouuons faire vne entreprise de si grande consequence
que celle du siege de Cambray sans leur en donner
part : C’est pourquoy nous auons bien voulu par l’aduis
de la Reyne Regente nostre tres-honorée Dame &
Mere, vous faire sçauoir qu’apres auoir differé pendant
quelque temps à employer nos armées contre les forces
des Espagnols, croyant qu’ils se rendroient capables
d’entendre à la Paix, par le besoin qu’ils en ont aussi
grand dans leurs Estats, comme est le desir que nous
auons de la procurer à nos Subjets, & par les ouuertures
raisonables qui leur en ont esté faites, auec nostre participation
par l’entremise du Nonce du Pape, & de l’Ambassadeur
de Venize prés de nous, qui s’y sont portez
auec beaucoup d’affection & de soing. Nous auons en
Louis (XIV), De Guénégaud [signé] [1649], LETTRE DV ROY, ENVOYEE A MESSIEVRS LES PREVOST des Marchands & Escheuins de sa bonne Ville de Paris, au subjet du siege mis deuant Cambray par l’Armée de sa Majesté, commandée par Monseigneur le Comte d’Harcourt. Apportée le trentiéme iour de Iuin par le Sieur de Sainctot Maistre des Ceremonies du Roy. , français Référence RIM : M0_2180. Cote locale : A_1_93.
|