Et les responses faites ausdits Députez.
MONs Cousin, le desir que j’ay de remettre au dedans
de mon Royaume le calme que i’y ay heureusement
maintenu depuis mon avénement à la Couronne,
& la tendresse qui me reste tousiours pour
les habitans de ma ville de Paris, dont ie souhaite
de voir au plustost finir les souffrances & les
miséres, & la passion que j’ay de mettre les affaires
en estat que les ennemis de cette Couronne
soyent contraints de donner les mains à vne paix
seure & honneste, m’obligérent il y a quelques jours à recevoir & entendre
des Députez des gens se disans tenir ma Cour de Parlement de Paris,
nonobstant la continuation de leur desobeyssance, & à les asseurer mesme
que j’oublierois & pardonnerois volontiers toutes leurs fautes ; pourveu
qu’ils se remissent promptement en leur devoir, se rendans pres de
moy sur la seurté que ie donnois à tous, sans exception d’aucun, de leurs
personnes, de leurs biens, & mesme de leurs charges ; mais comme lesdits
Députez faisoyent raport à leur Compagnie des favorables dispositions
où ils m’avoyent trouvé, ceux qui ne veulent que la durée des desordres
qu’ils ont excitez, jugeans que la plus grande partie de la Compagnie
pourroit se laisser toucher à la bonté que nous luy faisions paroistre,
& prendre en suite quelque bonne résolution, s’avisérent pour rompre
ce coup, qu’ils appréhendoyent vivement, de demander l’introduction
d’vn Moine envoyé par l’Archiduc, qu’ils gardoyent il y avoit plus
de quatre jours pour vne pareille occasion, pendant qu’ils travailloyent à
luy former vne instruction de ce qu’il auroit à dire de plus malin, & neãtmoins
de plus plausible en apparence, pour continuer à mieux séduire l’esprit
du peuple. Soixante-douze furent d’avis de ne point admettre ce
Moine & de me l’envoyer avec ses dépesches toutes fermées pour en disposer
comme j’aviserois ; mais le sentiment des mal intentionnez prévalut
en nombre, l’Envoyé fut introduit, il exposa sa créance, on la luy fit
mettre par escrit, on délibéra sur la chose, & il fut résolu qu’on m’envoyeroit
des Députez pour me rendre conte de ce qui s’estoit passé avec ledit
Louis (XIV), De Guénégaud [signé] [1649],
LETTRE DV ROY AVX GOVVERNEVRS DES PROVINCES: Sur ce qui s’est passé avec les Députez venus de Paris le 25 Février 1649. Et les responses faites ausdits Députez. , français
Référence RIM : M0_2141. Cote locale : A_1_18.