luy falloit faire semblant d’estre Chrestien : il ne fut
pas plustost Empereur qu’Apostat, & deslors il
commença à persecuter les Chrestiens, non point
auec le glaiue ny auec les faix comme les autres, mais
en deffendãt aux Chrestiẽs l’estude de belles Lettres,
& en leur ostant leurs biens qu’ils disoient ne pouuoir
estre possedez par des personnes qui font profession
de tout abandonner pour l’amour de Iesus-Christ.

Voicy vn Iule François Apostat pour paruenir
au Souuerain Gouuernement de la France, il a fait
semblant d’abandonner le party d’Espagne, comme
Iulien fit abiuration & se retint pour quelque
temps du culte des Dieux, mais apres auoir esté instruit
au Ministere comme l’autre estant receu à
l’Empire, le voila ennemy public de l’Estat & se
sert de mesmes maximes que le Tyran, il fit deffences
à tous ceux qui peuuent descouurir ses trahysons
de prendre connoissance des affaires esloigné
de la Cour & du Conseil, ceux qui luy sont suspects
fait mesmes enserrer dans des prisons dont il redoute
la puissance, quoy plus il deffend de lire le Liure
de la Loy aux gens de Iustice, fait enleuer parmy des
resiouyssances publiques, ceux qui se veulent opposer
à sa Tyrannie, & pour comble de son impieté
se saisi de tous les biens du suiet du Roy, alleguant