IVLES
L’APOSTAT.
S’il se treuue quelqu’vn qui soit indigné contre moy
ayant ou leu ou entendu le tiltre de ceste escripture
iugeant qu’il n’est pas des plus iudicieux, & que la personne
que ie veux blasmer peut fournir vne assez ample matiere,
prenant ses vices qui sont connus sans se mettre en
peine d’en inuenter, descouurir & publier que ceux qui
l’ont rendu infame ; ie dis à monsieur vn tel, que ie ne suis
ny mesdisant, ny imposteur. Ce nom ou surnom d’Apostats,
où appellatif comme il vous plaira, conuient
tellement à nostre Iules que si vous le faites substentif, ie
dis qu’il signifie la mesme chose où la mesme personne
que si vous croyez qu’il soit adiectif, à raison qu’il conuient
à plusieurs, sçachez aussi qu’il se construit fort bien
auec Iules le mettant en mesme nombre, en mesme genre
& en mesme cas. I’estime que personne ne fera difficulté
de croire que celuy là est vn vray Apostat qui n’a de
Religion qu’autant qu’il luy en faut pour s’auancer dans
les dignitez & accroistre sa gloire, & qui quitteroit volontiers
le Chapeau pour le Turban si la Religion Chrestienne
luy fauorisoit moins son ambition & son auarice
que celle de Mahomet ; vn chascun peut faire ce iugement
de luy sans iniustice ; car quand on sçaura ce qu’il
Anonyme [1649],
IVLES L’APOSTAT. , français
Référence RIM : M0_1776. Cote locale : C_5_72.