Loret, Jean [?] [1652], HVICTIESME GAZETTE DV TEMPS. EN VERS BVRLESQVES. , françaisRéférence RIM : M0_1471. Cote locale : B_18_30.
Apres quelques rayons d’espoir, Apres plusieurs coups de rasoir, Apres mainte cure inutille Enfin le ieune la Vieuuille Ce Cheualier si renommé, Si generalement aymé, Si courageux, si magnanime, D’esprit si rare & si sublime, Chez les Dames si bien venu Et bref si Chrestien deuenu, A veu finir sa destinée En sa vingt cinquiesme année, Dans mon autre Relation Dont ie fais retractation. I’auois parlé d’vn Codicille, Mais c’estoit vn faux bruict de Ville, Il estoit trop noble & bien né Pour auoir nul bien rapiné, Il n’a fait aucune ordonnance De rendre ny don ny finance, En mourant, il [1 mot ill.] ce bon heur Que quantité de gens d’honneur, Mainte Dame de douceur pleine, Toute la Cour, le Roy, la Reyne, Ont monstré par leur grand ennuy L’estime qu’on faisoit de luy, Plusieurs regrettans auec larmes Vn garçon si remply de charmes, En seruant son Roy vaillamment Il rencontra le monument, Maintenant durant cette guerre Qui desole toute la terre Il va posseder desormais Vne eternelle & saincte paix Prés de la Maiesté supréme, Car la contrition extréme Qu’il fit voir auant son trespas Nous oblige à n’en douter pas.
Princesse blanche comme albastre Dont tres-constamment [illisible]lastre, Non seulement la qualité, Mais les vertus & la Bonté, Ie vous en dirois d’auantage, Mais ma Muse quelquefois sage Vient tout à coup de m’aduiser Qu’il faut vn peu se reposer.
Cette Epistre, Lettre, ou Fade[illisible] Fut composée en Iuin, le seize.
FIN. |
Page précédent(e)
|
Loret, Jean [?] [1652], HVICTIESME GAZETTE DV TEMPS. EN VERS BVRLESQVES. , françaisRéférence RIM : M0_1471. Cote locale : B_18_30.