subiets que la mort ou l’obeissance. Toute la
terre à beau s’armer pour destruire vne authorité
qui ne releue que de Dieu : le Roy sera tousiours
planté dans le Throsne ou son adorable Protecteur
la mis, malgré tout ce qu’on scauroit faire
pour l’en demettre. Vous sçauez bien la reuerẽce
que vous deuez aux decrets de vostre Createur,
& mesme aux preceptes de la nature. Et
vous sçauez bien encore auec tout cela, ce que
vous deuez à la puissance Royale. Le moindre
crime de leze maiesté est vne offence qui ne se
peut effacer que par la derniere goute du sang
de celuy qui l’a commise. C’est pourquoy il ne
faut ny se rebeller contre son Souuerain, ny
blasphemer contre celuy qui detrosne les Princes :
car leur colere est vn presage de mort, selon
le plus sage de tous les hommes. Mon fils, dit Salomon
en ses Prouerbes, crains Dieu & le Roy, & ne
te mesle point auec gens remuans : car leur calamité s’esleuera
soudain, & qui sçait l’inconuenient qui leur arriuera,
apres des crimes de cette importance. La terreur
du Roy est comme le rugissement d’vn Lion, & qui se
rebelle contre luy peche contre l’vne & l’autre de ces deux
puissances. En effait, les personnes Royales sont
si sacrez, que Dieu ne veut pas mesme qu’on ayt
vne mauuaise pensée pour elles. Ne te precipite
point de te retirer de deuant la face du Roy, dit l’Ecclesiaste,
& ne perseuere point en choses mauuaises,

Page précédent(e)

Page suivant(e)