aspirations. Vous proposant de venir au
Fauxbourg de Montmartre, les Martyrs vous
arresteront, & l’on vous canonisera. Si vous
pretendez forcer le Fauxbourg S. Honoré, &
la porte de la Conference, vous n’y acquerrez
point d’honneur, car l’on vous fera faire vn
tour de Cours à la Guiche. Apres toutes ces fauorables
receptions, tiendrez-vous encores,
comme vous faites, les habitans de Paris pour
des badaux ? Mais sçauez-vous qu’ils ont esté
ainsi appellez par predestination, & que ce
nom iusques à present plein d’ironie, retournera
à leur honneur aux despens de vostre gloire.
Pour vous expliquer le sens caché sous ce
mot, selon la Prophetie, apprenez, Monsieur,
que vos Troupes tourneront le dos aux Parisiens,
qui les battront de cette sorte : c’est la
raison pourquoy seulement, ils ont esté, & seront
nommez badaux. Encore vne fois, Monsieur,
ie vous demande pardon de la liberté
que i’ay prise de vous escrire si franchement, &
aussi de ne vous donner point d’autre qualité
que celle de Monsieur, au lieu de Monseigneur.
C’est vne habitude que i’ay contractée
lors que vous me traittiez comme vostre femme,
& encore auec beaucoup plus d’affection.
Mais vous en auez perdu le souuenir, & moy ie

Page précédent(e)

Page suivant(e)