les Dames de la qualité de la Durier, qui ont
des Maisons de recreation en plusieurs villages
circonuoisins de cette ville, n’ont point esté
comprises en vostre Roolle de contribution,
& qu’elles seront exemptes du pillage & du feu.
Ma foy, Monsieur, vous ne faites pas plus d’estime
d’honneur que moy : Et si ie me laisse
gagner par de l’argent, vous en faites de mesme :
Pardon, la passion m’emporte. Mais considerez
en mon excuse, qu’au lieu d’vne recompense
de vous auoir niché, vous vous efforcez
de faire niche à Nichon, en luy faisant de tels
reproches. Ce n’est pas qu’ils me touchent. Ne
croyez pas que vos discours m’épouuantent ;
i’en ay bien veu d’autres que vous qui ne m’ont
pas fait peur ; tant s’en faut, souuenez-vous
que ie vous ay fait trembler, & plusieurs de vostre
sorte. Neantmoins, comme si vous en auiez
perdu la memoire, vous me menacez par vn
excez de fanfaronnade. Ie dis par vn excez de
fanfaronnade, car il il n’y a point d’apparence
que vous executiez vos desseins. Quoy ? vous
attaquerez le Faux bourg Sainct Germain ? ce
proiect auortera, vous demeurerez aux Incurables :
& si vostre valeur vous emporte plus
outre, on vous arrestera aux Petites Maisons,

Page précédent(e)

Page suivant(e)