la Prouidence fait naistre dans la fange, & dans
la poussiere, nourrissent ordinairement des esprits
rempans, & se contentent des vertus assés
mediocres ; Mais ceux que sa Diuine Maiesté a
placez dans le Monde pour representer ses plus
eminentes perfections, comme les Roys, & les
Princes Souuerains, ne s’aquitteront pas dignement
de leurs charges, s’ils ne portent leurs
cœurs, & leurs pensees, à de hautes entreprises,
& si leurs ames ne sont annoblies, des vertus
Royales, absolument necessaires à vn ieune Prince,
quitient le premier rang dans la Monarchie.

Selon ce principe, les vertus ne conuiennent
pas égalemẽt à vn Souuerain, & puis que sa naissance
l’éleue au dessus des peuples, il ne faut pas
que ses actions soient triuiales : ny que ses desseins
dementent sa Qualité ; les vertus qui correspondent
à la dignité Royale, sont propres à vn Monarque,
& les qualitez qui le rendent aimable, &
recommandable au public, meritent d’estre placées
au cœur d’vn ieune Prince ; comme la Iustice,
qui le dispose à traitter les peuples selon leurs
merites, à garder l’equité en ses iugemens, & à
rendre à vn chacun ce qui luy appartient : la Clemence
qui luy sert de bride, pour moderer les fougues
de la cholere, & pour faire couler vn fleuue
de Benedictions sur ses amis, & sur ses ennemis.
La generosité qui le rend propre à de hautes entreprises,
iusqu’a pousser ses Conquestes parmy