quelque argent on Catalogne ; il le fit sur la fin du mois
d’Aoust ; mais auec cette precaution, qu’en mesme temps
qu’il fortifioit l’armée par ce secours trop tard arriué, il la diminuoit
par ailleurs. Car comme s’il eust eu apprehension
que monsieur le Mareschal de la Mothe ayant de l’argent
n’entreprist encore quelque cbose de grand sur la fin de la
Campagne ; il luy fit donner les ordres par courrier expres,
de renuoyer en France les Regimens d’Anguyen & de Conty :
& de plus, casser & licentier plusieurs autres Regimens
de Cauallerie, & d’Infanterie, ce qui affoiblit entierement
l’armée Françoise : Il arriua encore qu’en mesme temps M. le
Cardinal fit eschanger auec nos prisõniers faits en la bataille
d’Honnecour, ce grãd nombre d’Officiers Castillans que M.
le Mareschal de la Mothe auoit pris és iournées de Villefranche
& de Mirãuet, tellement que l’Ennemy fortifié des hommes
qui luy manquoient, leua sur la fin de la Campagne, vne
nouuelle armée auec laquelle il assiegea & reprit Mouçon.

Cependant le Roy Catholique prenant l’occasion de tant
de manquemens, tramoit des pratiques & menées pour faire
reuolter la Catalogne : il fit ietter des billets dãs Barcelone &
autres villes du principat, par lesquels au nom de Saincte Eulalie
& des autres Saints Patrõs du Pays ; Il exhortoit les Catalans
de retourner dans son obeyssance, leur promettant
Amnistie de tout le passe : & leur disant qu’ils pouuoient bien
voir que sa Maiesté estoit d’accord auec la Cour de France,
& eux abandonnez d’icelle ; par le peu de secours qu’on auoit
enuoyé depuis la mort du Roy au Mareschal de la Mothe.
C’est au Cardinal à se lauer de cette intelligence, estant assez
visible qu’en ces occurrences, & en beaucoup d’autres, il a
vtilement seruy l’Espagne.

Et ce qui doit fortifier le doute qu’il en a eu le dessein, est
la loüange affectée que donne au Cardinal ce pretẽdu Libelle
ou Placard, en l’exaltant cõme vn hõme si esloigné de son
interest, qu’on ne le void point acquerir de terres, charges,
maisons, ny gouuernemẽs, cõme ont fait les autres Ministres
& Fauoris qui l’ont precedé. Mais bien loin de l’intention de