Apres tant de pertes, le Duc Charles croyant estre plus heureux
en Lorraine qu’au Comté : il y alla surprendre Luneuille,
qu’il fortifia & munit d’vne garnison de plus de deux mille
hommes. Monsieur de Longueuille eut ordre du Roy de le suiure,
& de reprendre cette Place. Il donna à Mr de la Mothe le
commandement d’vne des attaques, en laquelle ce Prince qui
auoit l’œil sur toutes, assista presque tousiours : & sa presence fit
que les ennemis y ayans fait vne sortie, furent repoussez auec
tant de bon-heur, que Mr de la Mothe & les siens entrerent
meslez auec les ennemis dans la Place, qui fut lors emportée.

Peu apres le Duc Sauelli ayant esté poussé en vne grande rencontre,
se renferma dans Blamont, où estoient les magazins de
l’Empereur & du Duc Charles : Il y fut incontinent assiegé, &
monsieur de la Mothe y auança si brusquement les attaques par
l’ordre de monsieur de Longueuille, que ledit Duc Sauelli iugeant
la prise de cette Ville infaillible, ayma mieux s’euader par
vne nuit obscure, que d’attendre la capitulation. Apres sa fuitte,
les soldats abandonnez de leur General, se rendirent à discretion.
Le butin d’armes & de cheuaux y fut tel, que monsieur
de Longueuille en equipa les troupes qui formerent le secours
considerable qu’il enuoya à monsieur le Duc de Weymar pour
la continuation du siege de Brisac. Il desira que monsieur de la
Mothe accompagnast monsieur de Feuquieres en la conduite
de ce secours : ce qui fut executé heureusement, iusques au lieu
où ce Prince leur auoit ordonné de le remettre. Pendant cette
marche, cinq cens maistres furent deffaits au Capitaine Cliquot,
& tout leur bagage pris.

Cette Campagne fut longue, & au retour d’icelle le Roy fut
tellement satisfait des seruices de monsieur de la Mothe, que Sa
Majesté le gratifia de sa Lieutenance de Roy en Bresse. Apres
qu’il eut pris possession de cette nouuelle dignité, il retourna
au Comté, où sur les aduis que les ennemis s’amassoient à Saint
Claude, qu’ils faisoient leur place d’Armes, il eut ordre de les y
aller attaquer. Ils voulurent faire resistance, mais la ville ayant
esté emportée de force apres quelques iours de siege, monsieur
de la Mothe employa tous ses soins pour arrester la furie des
soldats, & la suite ordinaire de telles occasions ; & eut grande