contraignit de se retirer en desordre à Offenbourg. Peu de
iours apres cette remarquable action, il fut surpris d’vne maladie,
pour laquelle les Medecins luy ordonnerent de reuenir
en France. Monsieur le Duc de Weymar regretta son absence,
& tesmoigna par Lettres à sa Majesté & à son Eminence, qu’il
auoit reconnu en ce Gentil-homme tant de hautes qualitez
pour la guerre, que s’il viuoit il seroit vn des grands Capitaines
de son temps.

La Campagne suiuante, Monsieur de Guebriant & luy, eschangerent
leurs emplois, par ie ne sçay quelle fatalité, qui les
deuoit tous deux en mesme temps si glorieusement esleuer.
L’vn passa en l’armée d’Allemagne, & l’autre en celle du
Comté. Afin de seruir vtilement, Monsieur de la Mothe fut à
Beaune receuoir les ordres de Monsieur le Duc de Longueuille
son General, qui luy commanda d’aller auec partie de l’armée
attaquer le chasteau de Chaussin, que Brisenot François transfuge
occupoit depuis deux ans, faisant mille rauages aux pays
circonuoisins. Ce desesperé voulut resister, mais apres vingt
volées de six canons, ses compagnons le contraignirent de se
rendre à discretion. Il fut pendu deuant la place, & cinquante
de ses soldats enuoyez aux galeres.

De là, il s’en alla ioindre Monsieur le Duc de Longueuille,
lequel marchoit pour faire leuer le siege d’Aigremont au Duc
Charles, qu’il contraignit à se retirer, & en suitte le poursuiuit
iusques à Poligny, où il l’obligea à la bataille. La France emporta
là vne victoire, qu’elle doit à la valeur & conduite de ce
genereux Prince, qui fit des merueilles en ce combat opiniastré
pendant sept heures. Il y fit tant de ralliemens, & se mesla
si souuent parmy les ennemis, qu’il jetta la terreur dans leurs
trouppes, & redoubla le courage des nostres. Ce Prince pour
commencer le combat fit choisir de tous les corps quinze cens
hommes, qu’il donna à conduire à Monsieur de la Mothe, afin
d’en chasser deux mille du Duc Charles, campez dans vn bois,
où ils s’estoient desia retranchez auec deux canons, pour s’y
maintenir & endommager nostre armée. Monsieur de la Mothe
les y attaqua auec tant de vigueur, que nonobstant vne resistance
opiniastrée il se saisit de leurs deux canons, & les chassa