que vos Seigneuries ne peuuent ignorer que ce memoire ne vous a pas
esté enuoyé de nostre part, & beaucoup moins à Puiolar & aux autres
susnommez auec luy : Que nous sçauons trop bien le respect auec lequel
nous deuons traiter le Seigneur Mareschal, non seulement en l’estat de
Lieutenant General de Sa Majesté, mais aussi à cause des grandes
qualitez de sa personne, & pour plusieurs obligations signalées que
toute cette Prouince a reconnu & reconnoist luy auoir : Laquelle par
vostre moyen, auec tous les respects deuz à sa personne, a representé simplemeent
à leurs Majestez les necessitez dont elle auoit besoin pour sa
conseruation, & non autre chose.

C’est pourquoy la Prouince a tres-grand deplaisir que quelqu’vn
se soit voulu seruir de son nom & de celuy de la Cité de Barcelonne pour
vne semblable chose. Nous supplions vos Seigneuries qu’il vous plaise
vous informer qui peut auoir commis cette faute ou crime afin que nous
puissions agir contre luy, & en pour suiure la punition selon ses demerites,
& y remedier auec toute la diligence possible. On a donné copie
autentique de la presente au sieur de la Vallée. A Barcelonne, ce 28.
Nouembre 1644.

Les DEPVTEZ du General du Principat.

Les CONSEILLERS de Barcelonne.

Certainement il ne faut pas s’estonner si les Catalans ont
la memoire du Mareschal de la Mothe en benediction. On ne
sçauroit esplucher ses actions dans la Prouince qu’on ne luy
donne de la gloire. On ne peut lire son pouuoir sans admirer
le bon vsage qu’il en a fait, ny regarder sa puissance, sans loüer
sa moderation.

Son Authorité estoit telle que les Regents n’en ont pas dauantage,
ny les Roys dans les Royaumes qu’ils regissent eux-mesmes,
ainsi que nous auons dit & qu’on peut apprendre par
les prouisions qui sont à la fin du premier Factum.

La disposition Souueraine & absoluë de toutes les charges
de la Prouince dependoit de luy Page 3. desdites denositions.

Sur cela nous n’aurions pas besoin de iustifier en particulier
les graces & dispositions qu’a sait Monsieur le Mareschal
de la Mothe, Puisque la Catalogne donne desaueu à toutes les