L. P. N. J. C. [signé] [1651], LETTRE DE DEVX PRINCES DE L’EMPIRE, A L’ARCHEVESQVE ELECTEVR DE COLOGNE, ET PRINCE DV LIEGE. Sur l’instance à luy faite par le Cardinal Mazarin, de luy donner retraite en sa Ville de Boüillon. Traduit d’Allemand en François. , françaisRéférence RIM : M0_1926. Cote locale : D_1_50.
Page précédent(e)

Page suivant(e)

-- 6 --

nous esperions trouuer quelque soulagement à
nos trauaux & vne fin à nos miseres. Mais ayant
esté preueus de ce grand bien, nous auons maintenant
tout suiet de prendre garde à nous, &
pouruoir à ce que nous ne tombions derechef
dans la tyrannie de ce Cardinal, qu’il fait voir
en tous les lieux où il a porté la guerre : Et sçachans
comme les Gouuerneurs des Places frontieres
de France, luy ont refusé les portes & en
ont desnié l’entrée tant à luy qu’aux siens, &
qu’il auoit demandé permission à vostre Altesse
de se retirer pour quelques iours en sa ville de
Boüillon, ce qui luy a comme accordé. Cela de
prime abord nous à comme estonnez & donné
suiet de vous escrire & de vous offrir nos aduis,
ainsi que nostre proximité & nos alliances nous
obligent, priant vostre Altesse de considerer que
si vous auiez receu en vostre Ville de Boüillon vn
homme sans foy, sans conscience & sans honneur,
accoustumé à trahir & tromper ceux là-mesmes
ausquels il est le plus obligé, & est si descrié pour
ses perfidies qu’il y à aujourd’huy peu de personnes
qui se veulent confier en luy : La hayne publicque
que toute la France luy porte en l’ostant
du Ministere, & le chassant hors du Royaume,
fait assez connoistre le suiet qu’elle à de ce faire,
& vn exemple aux Princes voisins de ne faire aucune
Page précédent(e)

Page suivant(e)


L. P. N. J. C. [signé] [1651], LETTRE DE DEVX PRINCES DE L’EMPIRE, A L’ARCHEVESQVE ELECTEVR DE COLOGNE, ET PRINCE DV LIEGE. Sur l’instance à luy faite par le Cardinal Mazarin, de luy donner retraite en sa Ville de Boüillon. Traduit d’Allemand en François. , françaisRéférence RIM : M0_1926. Cote locale : D_1_50.