du plus pesant de leur fardeau, & ils reuiennent à la
charge auec vne chaleur plus que Martiale.

Nous nous réjouyssons de tant de renom que vous
vous estes acquis, vous estes le seul du monde en qui
l’on ait tant trouué à dire & à redire, vostre nom ne
mourra iamais, non plus que celuy d’Herostrate qui
brusla le Temple d’Ephése, comme nous nous souuenons
d’auoir plusieurs fois imprimé ; aussi auez-vous
plus entrepris, & c’est toute autre chose d’auoir
voulu consommer vne ville comme Paris, & saccager
tout vn Royaume. Nous ne mourrons iamais de
faim non plus, & la posterité ne pourra iamais ignorer,
que nous n’ayons eu plus d’obligation à vostre
Eminence, quoy qu’ignorante, qu’à tous les Doctes,
& à tous leurs ouvrages sacrez ou prophanes. Les Armuriers
ne témoignent pas moins de ressentiment du
bon heur que vous leur avez causé. Le sieur de Bénicourt
maistre de la chasse Royalle, vous en fera ses
remerciemens au nom de tous ses Confreres, & vous
devez attendre la mesme reconnoissance de la plupart
des autres corps de Marchands : ainsi, quoy que sans
doctrine & sans valeur V. E. s’est signalée par les
Lettres & par les Armes.

Il nous reste vne chose à desirer, pour comble d’vne
derniere fortune ; c’est vn arrest de mort, qui sera
celuy de vostre canonisation par nostre Compagnie :
Toutes les Nations le feront traduire en leur langue,
chaque pays, chaque ville ; mais plutost chaque
maison, vous dressera vn Cenotaphe, & la France