adroit à preuenir ceux qu’il croyoit estre ses ennemis,
Monsieur le Comte qui ne le fut iamais que de ses vices
ne seroit pas vn exemple funeste de sa cruauté, & la
France n’auroit pas perdu en sa personne son plus fort
appuy, ny le peuple son veritable Pere & son Protecteur.
Quand il empescha d’en porter le dueil à la
Cour il fit bien connoistre qu’il n’estoit pas content
de l’auoir fait perir, il vouloit encore enseuelir son
nom dans son tombeau : mais le desir des pecheurs perira,
& la memoire des iustes demeure eternellement.
Iamais ce Prince ne fut plus regretté qu’il est, & l’on
sçait que s’il estoit encore au monde qu’il auroit bien
empesché les desordres que nous voyons, l’on se souuient
tousiours de ce qu’il dit lors qu’on declara la
guerre à l’Espagne. Que ceux qui rompoient la paix
de Henry IV. allumoient vn feu qu’ils n’esteindroient pas ;
Qu’ils deuoient considerer que cette paix estoit d’autant plus
precieuse, que celuy qui l’auoit faite estoit le plus redouté
& le plus vaillant de tous les Roys, & que quoy qu’il eut
plus d’intelligence, plus d’argent, & plus de credit qu’eux,
il l’auoit preferée à la guerre dans vn temps ou tous les
aduantages sembloient estre de son costé ; Que s’ils ne
faisoient point ces reflexions, il estoit euident qu’ils vouloient
pescher en eau trouble & ruiner le peuple, & qu’apres
auoir bien fait la guerre il faudroit faire vne paix
peut estre desaduantageuse, ou les vefues ne trouueroient
pas leurs maris, ny les orphelins leurs peres. Ces paroles
firent dire à quelqu’vn que si vne femme fut autrefois

Page précédent(e)

Page suivant(e)