Les regrets du Prince de Galle
sur la mort du Roy de la Grande
Bretagne, son Seigneur &
Pere.
Mon Dieu, c’est donc auiourd’huy que vous me faites
voir l’énormité de mes fautes, par le chastiment
que vous en prenez, vostre iustice va tousiours,
cõme il est vray, au dessus de ce que les pecheurs merite, en
vous offençant, comment s’est elle contentee d’vne si legere
punition : Comment la terre ne s’est elle ouuerte pour m’abismer,
ou plustost comment vostre toute puissance, qui ma
tiré du neant, ne s’est elle bandee contre moy pour me rayer
du nombre des creatures : mais helas ! qu’elle raison ay-je
de me plaindre de vous ; mon Dieu quel sujet m’en auez vous
donné, ie me plains, certes à bon droict ie me plains ! ah
Prince infortuné que ie suis, pouuois-ie estre pris par vne
plus sensible partie que celle que ie vois ensanglantee maintenant.
Mon pere ah ! Mon Seigneur & mon Roy, faut il
que ie n’aye peu vous retirer des mains de ces traistres, &
vous arracher à la mort, falloit il que ie vinsse sous pretexte
de vous secourir & vous rendre vostre liberté, pour estre
spectateur d’vne Tragedie, ou la mal heureuse espee d’vn
bourreau, vous a immolee cõme vne victime innocente, à la
furie d’vn peuple enragé. Ie m’estois promis & vous auois asseuré
d’vn prompt & puissant secours auec lequel, où ie perirois,
ou ie vous deliurerois : mais helas ! voicy vn estrange
Catastrophe, vous voila mort, la parque a moissonné vostre
vie. Ie vois encore la barbarie d’vn Parlement ensorcelé,
Henri (Prince de Galles) [signé] [1649],
LETTRE DV PRINCE DE GALLE ENVOYÉE A LA REYNE D’ANGLETERRE. Auec les regrets du mesme Prince sur la mort du Roy de la grand Bretagne, son Seigneur & pere. Arriuee d’Amsterdam le 24. Feurier 1649. , français
Référence RIM : M0_2129. Cote locale : C_3_41.