ne doit iamais estre si absoluë, que lors qu’ils s’agit
du seruice de celuy dont vous la tenez. Nous vous
auons fait des remonstrances sur ces desordres ;
nous auons supplié tres-humblement V. M. d’empescher
que le fils de la seruante repudiée, dont il
est parlé dans l’Escriture, ne partage égallement
dans vostre Royaume auec l’Enfant de l’Espouse
veritable. Nous vous auons conjuré par la pieté de
vos Ancestres de donner à l’Eglise la protection,
qu’ils ne luy ont iamais deniée contre les Heretiques.
SIRE, auons-nous pû vous presenter leurs
exemples, sans vous presenter en mesme temps
leur panegyrique ? Vous les auez imitez ; vous auez
secondé leurs saintes intentions ; vous nous auez
promis de confirmer par vne Declaration les Arrests,
les Reglemens & les Ordonnances, par lesquelles
ils ont si souuent arresté les pretentions illegitimes
de ces pretendus Religionnaires ; vous
nous auez fait esperer l’execution de ces Ordonnances.
Auons-nous des paroles, qui puissent exprimer
les sentimens que nous deuons auoir de ces
bontez ? Elles nous manquent, SIRE, & les obligations
que nous auons à V. M. sont beaucoup mieux
grauées dans nos ames, qu’elles ne peuuent estre
representées dans nos discours. Helas ! ils sont trop
souuent interrompus par nos souspirs, ils sont trop
souuent arrestez par le cours de nos larmes. Nous

Page précédent(e)

Page suivant(e)