pretexte qu’ils donneront à toutes les nouveautez.

Pour les estoufer tout d’vn coup, & pour
oster aux vns l’esperance & aux autres le pretexte :
i’estime que l’on ne sçauroit prendre
en cette matiere d’aduis trop décisifs, &
comme on parle de beaucoup de commerces
qui allarment le public & qui inquierent
les esprits, ie croy qu’il seroit à propos
de déclarer criminels & pertubateurs du repos
public, ceux qui negocieront auec Monsieur
le C. Mazarin ou pour son retour, en
quelque sorte & maniere que ce puisse estre.

Si les sentimens que S. A. R. tesmoigna il
y a quelques mois en cette Compagnie, sur le
sujet de ceux qui y furent nommez, eussent
esté suiuis, les affaires auroient maintenant
vne autre face, l’on ne seroit pas tombé dans
ces défiãces, le repos de l’Estat seroit asseuré,
nous ne serions pas presentement eu peine
de supplier Monsieur le Duc d’Osleans,
comme c’est mon advis, de s’employer aupres
de la Reyne, pour esloigner de la Cour
les restes & les Creatures de Monsieur le
Cardinal Mazarin, qui ont esté nommez.