& qu’il ne se soit rendu Maistre, comme c’estoit
son dessein, de toutes les auenuës de cette Ville, pour
fortifier les diuisions intestines qu’il y auoit fomentées
depuis long temps : Mais comme pendant ce
temps, ledit Parlement, qui veille continuellement
au salut de l’Estat, n’obmettoit aussi aucune chose de
sa part, pour obtenir de sa Maiesté l’expulsion dudit
Cardinal hors du Royaume, & que par plusieurs deputations
il auoit fait reïterer ses tres humbles Remonstrances
à sadite Maiesté pour paruenir à cét effect,
chacun auoit suiet d’esperer que cét estranger,
qui auoit tant protesté par ses Lettres en rentrant dans
le Royaume, de ne s’y vouloir mesler d’aucune affaire,
& de renoncer entierement à son Ministere, ne s’opiniastreroit
pas au point qu’il fait à combattre l’auersion
generale que toute la France a pour luy, & à renuerser
plustost tout le Royaume que de consentir à
s’en retirer ; Mais apres que ledit Parlement a cognu
tres clairement que toutes les esperances qu’il en
auoit données dans plusieurs negotiations qu’il auoit
entretenuës pour gagner du temps, & se fortifier de
Troupes, n’estoient que des illusions, & de ses fourbes
ordinaires ; & qu’au lieu de faire donner vne prompte
& fauorable audiãce à ses Deputez qui portoient à
sa Majeste les Declarations que mon Cousin Monsieur
le Prince de Condé & moy auions faites, de satisfaire
ponctuellement à tous les articles contenus au Memoire
qui fut enuoyé audit Parlement de la part de sa
Majesté, si tost que ses Declarations, & les Arrests
dudit Parlement, contre ledit Cardinal auroient esté

Page précédent(e)

Page suivant(e)