Du Bos, Mathieu [?], Anonyme [1649], LES ILLVSTRES PRESAGES DES ADVANTAGEVX SVCCEZ DE NOS TROVPES, SOVS LA CONDVITE D’VN PRINCE DE BOVRBON. , françaisRéférence RIM : M0_1680. Cote locale : B_7_27.
L’Aigle dans cette conioncture, Rompant le Traité d’vnion, Feroit de ta diuision, Vn beau pretexte à sa rupture : Tous tes peuples confederez Auec tes ennemis iurez Prendroient party dedans l’Espaigne, Afin que conspirans pour vn mesme dessein Ils fissent inonder la prochaine campaigne, Du sang qu’ils verseroient de ton illustre sein.
On verroit les Lyons d’Austriche, Herissans leurs superbes crins, Brauer les malheureux destins D’vn Royaume jadis si riche : La Holande triompheroit Du malheur qui te rauiroit Les despoüilles de tant de guerres, Et les peuples voisins vaincus par tes enfans, Tressailliroient de voir que par tes cymeterres De leurs propres vainqueurs ils seroient triomfans.
Du Bos, Mathieu [?], Anonyme [1649], LES ILLVSTRES PRESAGES DES ADVANTAGEVX SVCCEZ DE NOS TROVPES, SOVS LA CONDVITE D’VN PRINCE DE BOVRBON. , françaisRéférence RIM : M0_1680. Cote locale : B_7_27. |
|||||