de nous opprimer. & s’vnissant auec
luy, cette vnion rend toutes ses entre
prises inutiles & nous donne la victoire
sur ce tyran, toutes ces raisons font
croire ausdits supplians que dans le reffus
que fait cet perturbateur du repos puplic
d’obeir à vos Arrests apres toutes
les Remonstrances faites au Roy sur ce
sujet, il na tardé jusques à present a prendre
cette deliberation, que dans l’apprehension
qu’il a eu de ne pas trouuer les
Bourgeois de ladite ville disposez a fournir
les deniers necessaires pour ladite leuée.

CE CONSIDERÉ NOSSEIGNEVRS, & qu’il
vous appert du peril euident dans lequel
est ladite ville de paris par le rappel dudit
Cardinal Mazarin, plus grand que celuy
qu’elle a esprouué pandant le Blocus de
ladite ville & que le mal s’augmente tous
les iours par le retour de son Armée vers
ladite ville de paris. Que l’vnique remede
pour guerir nos playes & le seul moyen
pour rompre ces mauuais desseins
contre ladite Ville, faire executer ladite
Declaration & Arrests rendus contre luy,
voir finir nos maux domestiques qui