qu’à ce suiet on exigera de luy pour la Taille, qui
croissant au de là de ce qu’il auoit preueu, le ruine,
& faut necessairement perdre, ce qu’il ne sçauroit
payer. Si nous sommes dans les Armées, où
l’honneur & nostre naissance nous appelle, vous
sçauez qu’il nous faut notablement incommoder
pour dresser nostre équipage, & qu’il faut perdre
nos biens, en exposant nos vies pour le seruice du
Roy. Car les Soldats ne sont plus payez, ils reçoiuent
vne demie monstre pour vne campagne, &
pour les appaiser on leur permet le pillage, qui
prodigue tout à la rencontre, & qui couste plus à
la France en vn iour, que ne feroit la paye de six
mois. Auec tout cela, vous les auez veu languissans
de faim & mourir au coin d’vn buisson, ou
de serreurs de la milice par vne necessité qui n’a
point de Loy. Nous auons mille fois peste contre
ceux qui dissipent les finances destinées à l’entretien
des armées, contre cette insigne perfidie
qui arreste le progrés de nos armes, & qui nous
dérobe plus de victoires que tout l’effort de nos
ennemis. Nos plaintes, auec celles de toutes les
Prouinces de la France, ont souuent battu les
oreilles du Parlement de Paris, nous l’auons pris
comme à partie de ce qu’il n’auoit pas resisté auec
assez de courage, quand il a falu verifier de nouueaux
Edicts ; en ce qu’il a changé le Testament
du Roy, en mettant toute la Regence entre les
mains de la Reyne & du Mazarin ; nous l’auons dit
responsable de tous les desordres qui naissoient de

Page précédent(e)

Page suivant(e)