à nous combattre, qu’il entretenoit nos ennemis par nostre
argent mesme, & qu’il ne pouuoit estre esleué que sur nos ruines.

En effet, quelle apparence y auroit-il qu’vn homme qui vouloit
oster au premier & au plus auguste de nos Parlemens, l’ancienneté
de ses priuileges, l’authorité de ses loix, & toutes les marques
de sa grandeur, deut auoir en suite de respect & de l’amour pour les
autres, qu’il laissast subsister vn corps dont il retranchoit le cœur
& la teste, & qu’il ne tarit pas les ruisseaux apres auoir espuisé la
source.

Il est de l’authorité du Roy comme de la lumiere du Soleil qui
se respand doucement par tout, & qui ne fait de mal qu’à ceux
qui n’en peuuent souffrir l’esclat, & de l’authorité des fauoris
comme de la Lune qui n’esclaire qu’autãt qu’elle est esclairée. Mais
quand les fauoris ne sont pas contentés du pouuoir qu’on leur
cõmunique, qu’ils veulent retenir ce qu’on ne fait que leur prester,
qu’ils violent & qu’ils profanent ce qu’on leur confie, & qu’ils vsurpent
le droit qu’on ne leur peut accorder, il y va de la conscience
des Magistrats, & de la generosité es peuples de remedier à l’insolence
de ces tyrans, & d’arrester des hommes qui courent quand ils
doiuent simplement marcher. Quelques indifferentes ou quelques
obscures que puissẽt estre les loix dans les Estats, il y en a tousiours
quelqu’vne qui s’oppose diuersement à la violẽce des Souuerains ;
pource que la Religion qui s’y exerce, explique ce qu’vn Prince
doit euiter, & ce qu’il doit suiure. Quelle difference y auroit-il
entre l’vsurpation & la souueraineté legitime, entre les tyrans & les
Roys, entre les suiets & les esclaues. Depuis quand les Souuerains
qui sont appellez les Pasteurs du peuple, en doiuent-ils estre les
bouchers, & qu’elle est la loy qui nous dispense de toutes les autres ?
S’il est vray qu’vn Roy soit dans son Estat, ce qu’est vn Pere dans sa
famille, & que les peuples soient aux Roys ce que les enfans sont
aux peres est il pas croyable que l’Escriture qui deffend aux peres
d’irriter ceux qui leurs sont redeuables de la vie, fait la mesme deffence
aux Roys au regard de ceux qui leur doiuẽt de l’obeyssance.
La Philosophie a-elle mis iamais la barbarie au rãg des vertus Morales ?