& à la maison d’vn Roy legitime & d’vn Tyran. Ie l’ay
veu monter & descendre en chaire, & sur les espaules
des François l’escalier du Roy : ie l’ay veu conduire dans
ce triomphe Papal & Pontifical, par la plus illustre & la
plus lasche Noblesse de France, qui se pressoit pour estre
veuë, & ie vous confesse, Monseigneur, que ie craignois
d’avoir la honte d’estre veu moy-mesme, quoy
que sous vn habit de Religion & d’humilité. Nous
estions deux de nostre Ordre que l’on avoit demandez
à la Cour, pour la nouveauté de nostre regle : nous venions
tous deux d’Italie, tous deux connoissions le merite
& la naissance du personnage : Enfin tous deux à
mesme temps nous rencontrasmes dans ce sentiment de
luy reprocher en nostre interieur cette humilité de David,
qui disoit en admirant sa fortune, Qui suis-ie, quel
est l’honneur de ma vie, de quelle consideration peut estre la
parenté de mon pere parmy les Tribus, pour me rendre digne
d’estre gendre du Roy ?

Quis ego
sum, aut
quæ est vita
mea, aut
cognatio
patris mei
in Israël,
vt fiam gener
Regis.
Reg. l. 1.

Est il possible que le Cardinal Mazarin ne soit pas
mille fois rentré dans l’admiration de sa fortune, & qu’il
ne se soit pas écrié : Que suis ie devenu, du dernier homme
que i’estois d’vne terre si esloignée & si odieuse,
quelle vie ay ie menée, quelle est la gloire de mes actiõs,
quelle est la Noblesse de mon pere, pour estre devenu
parain du Roy Regnant, à la veüe de tous les Princes ?
est-ce la suitte d’vne vie infame, & d’vne si incroyable
extraction. Il n’avoit pas vne seule bonne
qualité : le vulgaire mesme sçavoit que c’estoit le plus
ignorant, & le plus ingrat de tous les hommes : il le
méprisoit, & les Princes, quoy qu’indignement traittez
l’honoroient. Ce Prince de Condé, qui faisoit lacher