faire pour sa cause. Mais sur tout en ce
qui regarde la Maison de Chevreuse, de
laquelle il nous tire des lumieres & des aduis
qui sont tres-importans. Acheuons
cette Paix, restablissons l’authorité du Roy
& la Regence de nostre Reyne incomparable.
Apres cela, son Eminence, comblée
d’honneur & de satisfaction, verra son repos
affermy pour iamais, auec la gloire &
la fortune de l’Estat.

Signé, C. E. D. D.

Les Martyres du General Ecclesiastique
soufflettent impunément les Conseillers
de la Cour, qui parlent de Deputation
& du traicté de Paix. C’est chose
horrible à raconter de la fureur de ces
gens-là ! On fait le procez au nommé
Marigny, commensal & adherant de Monsieur
le Coadjuteur, qui a donné vn soufflet
au Conseiller Boisleve, pour auoir tesmoigné