sommes prests d’exposer nos biens & nos
vies pour empescher son retour, & destourner
cette horrible tempeste qui
veut submerger l’Estat, apres auoir tenté
premierement de nous faire arrester,
apres auoir ensuite tasché de me perdre
par des entreprises plus violentes, apres
auoir profané vostre nom auguste & sacré
pour noircir mon innocence, uoyant
que ni les artifices, ni les calomnies, ni
les conspirations ne reussissoient pas, &
que ie ne donnois point dans les pieges
specieux qu’il me tendoit par des declarations
d’innocence pour me rassurer &
pour m’exposer de nouueau entre les
mains de ses Ministres, dont l’humeur
emportée n’eust rien oublié pour me
perdre. Il a eu enfin recours à la force
ouuerte, & faisant donner des Ordres
pour défaire ou pour casser les troupes
que vostre Maiesté m’auoit confiées, il
s’est resolu d’employer vostre armee,
que le seul projet de cet attentat a rendu
inutile pendant cette Campagne, à me
poursuiure, à me dépoüiller, & à me
perdre.