m’enuoyer vn Courier pour me demander
auec toutes les instances imaginables
la satisfaction de me voir ; me faisant cõnoistre
que si ie leur refusois cette demande
qu’ils me faisoient auec tant d’ardeur,
cela pourroit troubler les esprits
dans le desir que toute l’armée témoigne
auoir de me voir à sa teste.

Cette raison, MONSEIGNEVR, m’a fait
preferer leur contẽtement à l’impatiẽce
que i’ay d’aller cõfirmer en personne à V.
A. R. les mesmes protestations que ie luy
ay faites plusieurs fois par mes Lettres ;
& ce d’autant plus volontiers que ie me
suis ayfément persuadé que vostre A. R.
a tant d’affection pour le bien public,
qu’elle ne le trouuera point mauuais.
Puis que ie luy asseure que d’abord que
i’auray visité tous leurs quartiers, & obserué
toutes choses à luy en pouuoir rendre
conte, ie ne manqueray point d’aller
prendre ses ordres auec tous ses respects
que ie luy dois.