les diuers voyages faits à Cologne, & particulierement
celuy de Monsieur de Mercœur, dans le
temps que vous renouuellez vos deffences les
mauuais effects de ce commerce ; Les negociations
de Sedan, ce qui s’est passé à Brissac ; Et
enfin toutes choses suspendues à la Cour, iusques
à ce qu’on eut receu les dernieres resolutions du
Cardinal Mazarin, le credit extraordinaire de ses
creatures engagees à ma perte, qui ont esté desia
nommées dans la compagnie : I’ay creu deuoir
non seulement pour la seureté de ma personne,
mais aussi pour celle de l’Estat, me mettre à couuert
des accidens que j’ay desia esprouuez, dont
les suittes ne pourroient estre que funestes à toute
la France, qui ne souffiriroit non plus que l’année
passée, qu’vn Prince qui a le bon heur d’auoir rendu
rendu des seruices assés aduantageux au Roy,
& à l’Estat, & qui n’a pas eu la moindre pensée,
comme il proteste de n’en auoir iamais contre le
seruice, & le bien public, fut encore vne fois
opprimé, pour les interests, & par les conseils du
Cardinal Mazarin ; parce qu’il n’a iamais voulu
consentir à son retour, & que ie n’adiousteray
rien, sinon la protestation que ie vous fais, &
qui est la mesme que j’ay donné charge de faire

Page précédent(e)

Page suivant(e)