des Lettres de cachet, & nous sommerons de
vuider promptement l’Archeuesché de Paris ;
les Abbez mesmes ne voudront plus aller apres
nous, & tout le Clergé se scandalisera de nostre
lacheté. Mais quoy, nous ne pouuons
pas nous opposer à des tirans qui nous ont habillé
par force : nous auons resisté fort long-temps,
nous en faisons des plaintes en public :
Il ne reste plus qu’à s’addresser à Messieurs du
Parlement, & leur demander à estre deschargez
du dueil que nous portons : Cette procedure
nous iustifiera en Cour de Rome ; le Pape,
les Cardinaux, Archeuesques, Euesques &
Abbez n’auront rien à nous reprocher ; nous
serons exempts de blasme & hors de mesdisance ;
& si quelque injurieux nous attaque
en nostre honneur, nous le deffendrons l’espée
à la main : nostre Palais est remply d’hommes
armez : tous les braues affectionnez au party
Mazarin y font foule auec allegresse, & les
Prestres qui le frequentoient autres fois auec
liberté, n’y osent plus entrer qu’auec passeport
& en saluant les armes : ne nous mettons
plus en peine de nostre deffense : nous la
chercherons chez nous, si les forces nous manquent
d’autre part.

Si nous faisions pourtant vne serieuse reflexion
sur nostre conduite malheureuse, nous