Anonyme [1649], TYPHON IOVEM RAPIENS, ODE IN IVLIVM MAZARINVM. , latinRéférence RIM : M0_3903. Cote locale : A_4_43.
Hic immerentes perfidus incolas Necare dirâ tentat inediâ, Vrbémque cantatam, & tenacem Vertere propositi Senatum.
Hoc efferatus nunc cuit pater Vrgente ferrum, quo soboles cadat : Intincta fraterno rubebit, Hoc duce, dextra calens cruore.
Cui parcet amens ? horrida quis latens Vitare speret funera ciuium ? Vix tutus altari Sacerdos, Vixque senes, & adulta virgo.
Augusta templis, heu ! penetralia Fœdata cerno sacrilegâ manu : Castósque secessus recludet Militis indomito furori.
Anonyme [1649], TYPHON IOVEM RAPIENS, ODE IN IVLIVM MAZARINVM. , latinRéférence RIM : M0_3903. Cote locale : A_4_43. |