Anonyme [1652], TRIOLETS SVR LA MODE DE LA PAILLE QVI COVRT. , françaisRéférence RIM : M0_3869. Cote locale : B_8_9.
Bref ce dessein est tout Nouueau, Chacun y Trauaille à l’Enuie, Pour faire Cordon de Chappeau, Bref ce dessein est tout Nouueau ? C’est à qui aura le plus Beau De la Paille là mieux choisie, Bref ce dessein est tout Nouueau Chacun y Trauaille à l’Enuie.
Pour ces petites Nouueautez, Le Marchand vendra d’auantage, Car dix milles Ioliuetez, Pour ces petites Nouueautez, Les Esprits se sont Inuentez, Affin d’embellir leur ouurage, Pour ces petites Nouueautez Le Marchand vendra d’auantage.
Peur d’estre appellé Mazarin, Faut que l’on porte de la Paille, N’en n’auroit on qu’vn petit Brin Peur d’estre appellé Mazarin, Celuy qui n’en n’a, pour certain Faut qu’il s’asseure qu’on le Raille, peur d’estre appellé Mazarin, Faut que l’on porte de la Paille.
Anonyme [1652], TRIOLETS SVR LA MODE DE LA PAILLE QVI COVRT. , françaisRéférence RIM : M0_3869. Cote locale : B_8_9. |