droict si éloquent de luy-mesme, que nous n’auons pas
besoin d’étaler auec apparat, toutes les raisons auec lesquelles
nous les pourrions soustenir ; Nous supplierons
seulement Vos Majestez, de considerer si nostre establissement
est bon, & quelles sont les machines dont on se
veut seruir pour le ruiner ; & lors que nous aurons fait voir
les solides fondemens sur lesquels il est appuyé, nous
sommes asseurez que tous les moyens que les Anciens
ont employez pour le destruire, se trouueront trop foibles
pour luy donner aucune atteinte. Le premier fondement
de nostre creation c’est l’authorité Royale, qui
est la baze de toutes les loix, le principe de tout ce qui se
produit dans vne Monarchie, qui n’a rien du tout à costé
d’elle, qui n’a au dessus d’elle que Dieu, & qui ne peut
estre controllée que par la Toute-puissance dont elle est
la plus noble Image. L’autheur de nostre creation, SIRE,
c’est le feu Roy vostre Pere, ce grand Roy, si religieux, si
sage, si puissant, si équitable & si bon, Qui examinoit
tous ses iugements à la balance du droict, qui formoit
tous ses conseils à la lumiere de la Prudence & de la Politique ;
Ce grand Roy qui a rendu la France si florissante,
qui a forcé toute la terre de craindre ses vertus, ou de les
adorer, dont la vie enfin a esté si irreprochable & si saincte,
que le Ciel pour l’amour de luy, n’a fait de tout son
Regne qu’vn iour solennel de victoires & de triomphes.
Est-il donc possible qu’il se trouue auiourd’huy des François
qui reuoquent en doute le pouuoir de leur Roy, en
choquant vn établissement qui en procede ? L’ambition
de quelques-vns, ose-t’elle bien demander qu’on touche
aux actes d’vn si glorieux Monarque ? & ses propres Subjets
n’ont-ils point de honte, d’offenser ainsi sa memoire,
qui est en veneration mesme parmy ses ennemis ? Vouloir

Page précédent(e)

Page suivant(e)