Le Parlement qui n’auoit plus d’authorité ne pouuoit pas
empescher ce tumulte : Le Semestre estoit le sujet de sa haïne
& de son aduersion. Monsieur le Comte d’Alais les auoit
trop pressez & trop ennuyez de la violence de son Gouuernement :
il n’y auoit que Monsieur le Comte de Carces qui
en peust estre le maistre : il en demesla auec vne generosité
& vne prudence admirable, & ce fut à la priere de Monsieur
le Comte d’Alais qui luy en fit parler par le Cheualier de
Vins, & n’eust pas creu sa vie asseurée s’il n’en eust eu ce garant.

En effet il eut le pouuoir de faire expliquer ce peuple, ce
qui est tres-difficile dans vn tumulte violent : il mesnagea
par addresse, & le fit persuader par le Sieur Archeuesque
d’Arles, & les Sieurs de Seguiran & de Reauuille premier &
second Presidents en la Chambre des Comptes & Cour des
Aydes d’Aix, à se laisser conduire : on vid dans vne extreme
fureur vne demande tres raisonnable. Ce peuple ne vouloit
plus les Consuls qu’ils n’auoient pas choisis. Ce Semestre
que Vostre Majesté auoit resolu de supprimer, & cette Garnison
iniurieuse qui ne deuoit iamais estre soufferte en leur
ville.

Il est vray que Monsieur le Comte d’Alais ceda contre
son gré à toutes ce, demandes, & tesmoigna d’estre surpris
de ce mouuement : peut-estre il n’auoit iamais creu d’auoir
fasché tant de personnes, & d’en auoir si peu obligé, ce iour
luy descouurit ses flateurs & ses ennemis, mais il n’en a pas
voulu faire son profit : & parce que cette verité estoit trop
rude, elle luy a esté suspecte.

Neantmoins encor qu’il aye esté surptis, il n’auoit pas
laissé de se bien preparer : car son regiment de Caualerie étoit
en armes pendant qu’il se promenoit hors la ville, & que
Madame sa femme faisoit ses deuotions à son accoustumée.
Il est vray qu’on ne luy auoit pas donné loisir de pouruoir à
sa maison, & se saisir des portes de la ville : mais la preuoyance
du peuple auoit deuancé la sienne, & non pas le dessein
du Parlement qui estoit encor vn corps immobile &