de la souffrance ; nous les eussions volontiers immolées &
celles de nos Concitoyens, au respect que nous portons à
vostre nom & à vostre bras qui frapoit le coup, sans considerer
celuy qui faisoit l’injure. La mort quelque terrible qu’elle
soit auec ses pompes & ses appareils plus affreux, ne nous
pouuoit faire tant de peur que le moindre manquement d’obseruation
& de soumission à tout ce qui porte vostre caractere :
Et bien que la Loy naturelle plus ancienne & plus absoluë
que toutes les autres, nous rende tous moyens legitimes pour
cõseruer ce qu’elle nous a liberalement dõné ; si nous eussions
pourtant jugé que ce martyre eust esté innocent, & qu’il
n’eust point tiré vostre ruyne & celle de vostre Estat ineuitablement
à sa suite, nous eussions mieux aymé mourir que de
nous seruir du priuilege de la Nature, pour nous defendre
contre des armes commandées sous le nom de nostre Souuerain.
Vostre conseruation, SIRE, & celle du Royaume,
est la seule cause de nostre defense & le motif de nostre Arrest,
qui ordonne que Paris prendra les armes ; nostre salut
particulier n’est pas nostre principal object, en cette occasion
nous ne le regardons que comme vn moyen necessaire
au vostre.

C’est là, SIRE, où nous referons nos meilleurs souhaits,
c’est là où tendent nos armes, hors de là nous n’en voulons
jamais d’autres pour vous resister, que les prieres, qui sont les
seules armes legitimes, mais bien puissantes, que Dieu adonnées
aux Subjects pour flechir les Roys sur la Terre & pour
le forcer luy-mesme jusques dans le Ciel.

Et il importe de faire sçauoir à vos Peuples que nous n’auons
point de mains pour nous opposer à V. M. & qu’elle
n’estend iamais les siennes sur nous, que pour nous departir
des biensfaits, de sorte qu’on ne luy doit non plus donner de
part au dessein cruel que l’on veut executer contre nous ; que
l’on n’en peut prendre sans crime à ses actions de grace & de
clemence.

Receuez donc, s’il vous plaist, nostre resolution de prendre
les armes non pas comme vn acte de rebellion, mais comme