la pluspart trouuent de l’incertitude dans
les Sciences, & contestent comme des problemes
des cõclusions qui auoisinent de plus prés leurs principes.
Ie diray encore, Monseigneur, que l’homme
est si subtil & si ingenieux, qu’il peut desguiser
toutes choses. Seneque prend pour vn defaut
ce qui paroist vn aduantage de nostre esprit, de
s’accommoder aux inclinations de la volonté, &
se laisser pour ainsi dire seduire quand il luy plaist, Inter cætera mortalitatis incommoda hæc est
caligo mentium non solum errandi necessitas,
sed & errorum amor.

Ces Maximes Politiques que i’ay puisé de la
source des Morales, & que i’offre à Vostre Altesse,
sont aujourd’huy debattuës par plusieurs,
& mesmes ont esté iusques icy renuersées par les
mauuais conseils & funestes deportemens de celuy
qui tient, ou qui a vsurpé le Souuerain ministere
de cet Estat. C’est à vous, Monseigneur,
de les releuer par vostre bonté, de les affermir par
vostre appuy, & de les rendre inesbranlables par
vostre protection & deffense. Sans doute vous le
ferez, puisque vous vous y estes offert volontairement
en prenant le party de tous les bons Sujets
du Roy, desquels vous estes le digne Chef. La
France espere, & mesmes est toute asseurée, que