conuiant de vouloir en escrire à son dit Neueu le grand Duc de
Toscane, au nom & par ordre de sa Maiesté, luy faisant entendre
les sentimens ou ils l’ons veuë vers ledit sieur Fabrony & la ioye
quelle auroit voyant & apprenant comme son dit Neueu faict
cas de sa recommandation.

Quand a la Dame de Fabrony sa femme laquelle à si dignement
& si assiduement seruy sa Maiesté à son contentement &
satisfaction, Ce que la Reine nous a dit presentement, Sa Maiesté
supplie le Roy son fils instamment de donner ordre que sad.
Dame de Fabrony aye tout le bien qui luy appartient en France
& qu’elle en reçoiue les deniers sans aucune perte, dommages
ny interests pour elle empescher, aussi que pour ce suiet elle ne
soit reduite aux procez & contraites de plaider. Quand au seigneur
Dom Iulio de Medicis qui a seruy la Reyne depuis certain
espace de temps & qui est maintenant aupres d’elle, Sa Maiesté
le recommande au Roy son fils auec ses affections, & d’en faire
le cas que meritent les personnes de leur condition. Sa Maiesté
entend que pour les seruiteurs qui ne pourront aller en France
puissent estre payées de ce quelle leur laisse sur les meubles
quelle a presentement icy aupres d’elle. La Reine recommande
aussi à son Neueu le grand Duc les Seigneurs Dom Iulio ses
freres les considerant & fauorisant comme personnes premieres
& principales de son Estat. Là veut qu’apres sa mort & dans cette
ville de Coloigne il soit dit six mil Messes pour le salut de son
Ame, & que l’argent en soit pris sur les meubles qui y sont : Quãd
aux heritiers de sa Maiesté elle laisse & ordonne le Roy son fils
& Monsieur le Duc d’Orleant ses enfans, voulant aussi qu’ils
soient les executeurs de cettuy son testament & derniere volonté
en ce qui regarde les choses dependantes de la France, emploiant
& affectant pour ce suiet les meubles de la Reine, estant en la
maison de Luxembourg, & les autres meubles & immeubles
qu’elle a dans le Royaume : Et pour les choses que sa Maiesté
veut estre faites en cette ville de Coloigne elle ordonne l’executeur
de son testament le Prince Electeur de coloigne son parent,
employant à ces effect les meubles qui s’y trouueront : La Reine
donne quelque choses à sa Saincteté, comme aussi au Cardinal
Barberin son Nepueu, & à Messieurs les Nonces ordinaires &