Auecq quelques vns du Conseil ;
Il font desja leur appareil,
Pour cét honorable voyage,
Qui doit estre à nostre aduantage,
Car ON s’assure desormais,
Ou d’vne tréue, ou, d’vne Paix.
Elle nous est ma foy bien duë
Apres l’auoir tant attenduë,
Nous auons assés enduré,
Nous auons assés soupiré,
La Normandie est desolée,
Toute la Champagne est gaulée,
La Picardie est au bissac,
Et la France, abhoc & abhac,
Par cette guerre mal-heureuse,
Dont la durée est ennuyeuse,
Ce qui nous cause les souhaits,
Qu’ON fait tous les iours pour la Paix ;
Car ON a trop senti la touche,
Donc pour vous faire bonne bouche.
ON vous laisse sur ce sujet ;
Si quelqu’vn n’est pas satisfait,
Qu’il attende à l’autre ordinaire,
ON le pourra mieux satisfaire,

Fin de la Troisiesme Partie.