Anonyme [1649], SVITTE DE LA REVELATION OV LE SECOND ORACLE RENDV PAR LE IEVSNEVR DV PARVIS DE NOSTRE-DAME, SVR LA CONCLVSION DE LA PAIX le iour de la feste aux jambons. , françaisRéférence RIM : M0_3541. Cote locale : E_1_77.
L’ORACLE RENDV PAR le Ieusneur de Nostre-Dame, sur la conclusion de la Paix, le iour de la feste aux jambons.
Par vne coustume ancienne, Le Ieudy de cette semaine, Que l’on surnomme l’Absolu, Ou pour mieux parler le goulu, Dans ce Paruis où l’on contemple La face d’vn superbe Temple, Iambons croissent de tous costez, Ainsi que s’ils estoient plantez : Icy le Bourgeois hors de peine, Voyant finir la Quarantaine, S’en vient auec ses deux testons Choisir parmy tant de jambons Quelque large & puissante fesse, Qui puisse au retour de la Messe De Pasques en beuuant comme vn trou A Caresme rompre le cou.
Là poussé de la mesme enuie, Vne Marchande me conuie De venir achepter du sien, Pourueu que ie le paye bien : Elle auoit planté sa boutique Au pied d’vne figure antique, Qui sert de bornes dans ce lieu. Tout vis à vis de l’Hostel-Dieu. Là cependant qu’elle me prise La bonté de sa marchandise, I’entends tousser à plusieurs fois,
Anonyme [1649], SVITTE DE LA REVELATION OV LE SECOND ORACLE RENDV PAR LE IEVSNEVR DV PARVIS DE NOSTRE-DAME, SVR LA CONCLVSION DE LA PAIX le iour de la feste aux jambons. , françaisRéférence RIM : M0_3541. Cote locale : E_1_77. |
|||||