Anonyme [1649], SVITE ET SECONDE PARTIE DV BVRLESQVE ON DE CE TEMPS ; QVI SCAIT, QVI FAIT, ET QVI DIT TOVT. , françaisRéférence RIM : M0_611. Cote locale : C_8_5.
SVITE ET SECONDE PARTIE du Burlesque ON de ce temps ; Qui sçait, Qui fait, & Qui dit tout.
MVSE falote, prend ton masque, Ta fluste & ton tambour de Basque, Ou pour imiter le tocsin, Tarabusté sur vn bassin, Pour assembler en belle place, La curieuse populace, Tant d’honnestes gens, que filous, Et leur faire sçauoir à tous, Qu’ON, ce grand conteur de sornettes Et debiteur de chansonnettes, Est depuis la moitié d’vn iour, En cette ville de retour, Et qu’il a cent choses à dire Qui les feront creuer de rire. Silence, Muse, c’est assez, Ie voy les badauts amassez, Leur nombre est si grand qu’il m’estonne, Vrayement la foire sera bonne, Voicy des Marchands à foison. Vn chacun quitte la Maison, Et n’est ny courtaut de Boutique, Ny petit page de Pratique, Ny Crocheteur, ny Porteur d’eau Qui n’ait, au carillon nouueau, Comme vn confrere de S. Lasche, Quitté sa besongne & sa tasche Pour venir sçauoir que dit ON. Tous les porteurs de rogaton
Anonyme [1649], SVITE ET SECONDE PARTIE DV BVRLESQVE ON DE CE TEMPS ; QVI SCAIT, QVI FAIT, ET QVI DIT TOVT. , françaisRéférence RIM : M0_611. Cote locale : C_8_5. |