sont mesme pire que les demons qui ne peuuent
point preiudicier qu’à l’exterieur, & ces sansuës
donnent la gesne tant exterieurement qu’interieurement
aux plus fidelles François, ils n’ont point
d’autres regles ny axiomes que cét adage.

Dum fueris diues mulios numerabis amicos

Tempora si fuerint nubila nudus eris

Ces arracheurs de dents aussi bien que l’empirique
& les danseurs sur la corde, ne trouuent
point dans cette place de sainct Germain à debiter
leurs secrets, neantmoins pour le contentement
de la compagnie ils promettent la jolie farce des
rencontres nocturnes, si bien que le Mazarin vient
le premier sur le Theatre en oublieux, & ce n’est
pas sans raison qu’il fait ce personnage puis qu’il a
esté dans Rome porteur de rogatons, apres luy,
viennent ses deux Niepces, l’vne fait la maquerelle
& l’autre la garce, elles representent parfaitement
la charge & le mestier qu’elles exercent, la
troisiesme entrée est des Partisans qui font le personnage
de leueurs de manteau, toute cettte troupe
en dansant sur vn mesme air, font en figure les
sept planettes, pour faire viure les François sous