Anonyme [1649], SEANCE DV ROY LOVYS XIV EN SON LICT DE IVSTICE, EN PARLEMENT ou les vrayes Harangues de Messieurs le Chancelier premier President, & Talon Aduocat General. , françaisRéférence RIM : M0_3600. Cote locale : C_10_2.
-- 5 --
HARANGVE
FAIT AV ROY SEANT
EN SON LICT DE IVSTICE PAR
Monsieur le premier President le
29. Iuillet 1648.
SIRE,
Le superbe appareil qui marche a vostre suitte & cette
pompe auec laquelle vostre Maiesté vient icy n’imprimẽt pas mieux
le respect de vostre puissance Royalle au cœur de vos subiects que les
loix & les reiglements qui leur seruent de f[1 lettre ill.]in, & les empeschent de
troubler le repos de la Monarchie les loix qui sont les fondements du
bon heur des Estats, ne sont point les ouurages des hommes, cest Dieu
qui en est l’Autheur & les Roys sont comme des riches canaux, par lesquels
elles sont versées entre les mains des Iuges, pour en faire la distribution
a leurs subiets, c’est par leurs obseruations que les Royaumes
sont maintenus dãs vne police reiglée, & quel’ordre qui fait leurs
ornements aussi bien que leur seureté est gardé & entretenuë, il arriue
tout au contraire que les subiets leur perdant le respect, & ne voulant
plus recognoistre leur authorité, il se faict vn dereiglement vniuersel
qui se trouue dans les finances dans l’Eglise, & dans la iustice l’experience
a fait voir depuis quelque temps, vne partie des maux qui apporte
le mespris des loix & des ordonnances, dans la mauuaise administration
de ceux qui ont eu le gouuernement des finances, dont ils
ont fait vn si mauuais mesnage, vostre Maiesté n’a pas dequoy faire
subsister sa maison, c’est ce qui a donné lieu aux assemblées de ce Senat
qui a creu estre de son deuoir d’employer son authorité a releuer les
loix abbatuées, & cognoissant les maux qui se sont glissez dans toutes
les parties du Royaume d’apporter les remedes ; vostre Maiesté Sire ne
peut trouuer mauuais que son Parlement, qui a tousiours esté le
principal conseil des Roys, luy face voir les maux que souffrent ses
subiects, la derniere oppression ou sont les Officiers & la dissipation
de ses finances ; n’y qu’ils tendent la main pour releuer l’Estat de sa
cheute prochaine, puisque mesme les passagers donnent bien aduis
au Patron, quand ils voyent que le vaisseau court risque du naufrage,
vostre Maiesté quelque iour nous feroit vn iuste reproche si
nous ayant commis pour employer toutes nos veilles au salut de vos
peuples (ce que fait les Souueraines loix) nous luy dissimulions les desespoirs
Anonyme [1649], SEANCE DV ROY LOVYS XIV EN SON LICT DE IVSTICE, EN PARLEMENT ou les vrayes Harangues de Messieurs le Chancelier premier President, & Talon Aduocat General. , français Référence RIM : M0_3600. Cote locale : C_10_2.
|