Anonyme [1649], REVELATION DV IEVSNEVR OV VENDEVR DE GRIS, ESTABLY DANS LE PARVIS DE NOSTRE-DAME, CONTENANT LES REMEDES necessaires à la maladie de l’Estat. , françaisRéférence RIM : M0_3541. Cote locale : E_1_76.
Page précédent(e)

-- 8 --


Et la meilleur & la plus fine
Pour faire vuider le poison,
Qui s’oppose à sa guerison.
Et le remede necessaire
Contre ce cancer sanguinaire,
Qui ronge l’Estat iusqu’aux os
Par ses tailles & ses impos,
En retranchant cette partie,
Dont la chair est toute pourrie,
Si l’on vse de ce moyen,
La France se portera bien.

 

 


Voila ce que dit Esculape
En me donnant certaine tape
Pour m’en faire ressouuenir,
Sur quoy ie ne me pus tenir
De luy dire, Dieu vous le rande,
A Dieu donc ie me recommande,
Aussi-tost, ie m’en vins chercher
Quelque grabat pour me coucher,
Ayant tousiours l’ame troublée,
De la vision reuelée
Par ce maistre Vendeur de gris,
Si renommé dedans Paris
Que l’õ s’en moque ou qu’on y pẽse,
I’en descharge ma conscience.

 

FIN.

Page précédent(e)

Anonyme [1649], REVELATION DV IEVSNEVR OV VENDEVR DE GRIS, ESTABLY DANS LE PARVIS DE NOSTRE-DAME, CONTENANT LES REMEDES necessaires à la maladie de l’Estat. , françaisRéférence RIM : M0_3541. Cote locale : E_1_76.