Anonyme [1650], RESPONSE DE MESSIEVRS LES PRINCES AVX CALOMNIES & impostures du Mazarin. , françaisRéférence RIM : M0_3399. Cote locale : A_9_15.
Page précédent(e)

Page suivant(e)

-- 11 --

conseruation des places du Lis, la prise de Furnes, &
de Dunquerque, que tout cela dis-je, luy deuoit faire
obtenir les establissemens qu’il trouuoit dans sa maison,
qui vacquoient par la mort de feu Monsieur son
Pere, & qu’on auroit donné à vn Prince de sa naissance
qui n’auroit iamais seruy l’Estat.

 

Il ose mesme aduancer qu’vne personne de moindre
condition que luy pouuoit prendre confiance en la
bonté de la Reyne, & conseruer quelques pretentions
sur la Charge de Sur-Intendant des Mers, vaquante par
la mort du Duc de Brezé son Beau-frere, tué dans vn
combat Naual, dans le Champ de gloire & triomphant
en mourant des ennemis de l’Estat, tandis que de son
costé il faisoit triompher les armes du Roy, qu’encore
que son Altesse Royale qui estoit tesmoin du seruice
qu’il rendoit luy en donnast les premieres pensées, &
l’asseurast de sa protection en ce rencõtre, que tous ces
aduantages ne luy ont point fait demander à la Reyne,
ses graces & ses faueurs plus hautement, ny auec plus
de presomption, qu’il n’a iamais manqué de respect ny
ne s’est pas mesme plaint, lors qu’on luy en a refuse
quelques-vnes, ou que pour obtenir les gouuernemens
de feu Monsieur son Pere on l’a obligé de rendre celuy
de Champagne, qui estoit le prix & la recompense de
ses victoires, & qu’il a receu les autres auec toute la
soumission, la defference & le ressentiment qu’eust pû
auoir le moindre Gentil-homme du Royaume.

Il ne dira pas que tous les grands seruices qu’il a
rendu à l’Estat, n’ont seruy qu’à luy conseruer les establissemens
qu’il a trouué dans sa maison, qu’il n’a rien
obtenu de nouueau qu’vne possession contestée des
gouuernemens de Clermont, Iamets, & Stenay,
pour laquelle mesme l’on a demandé la renonciation
à la charge de Sur-Intendant des Mers, vacantes par

Page précédent(e)

Page suivant(e)


Anonyme [1650], RESPONSE DE MESSIEVRS LES PRINCES AVX CALOMNIES & impostures du Mazarin. , françaisRéférence RIM : M0_3399. Cote locale : A_9_15.