Troupes estrangeres en France, pour acheuer
de nous ruiner ; Fait des negotiations nouuelles
en Angleterre : Il a des Traittez particuliers
auec plusieurs Gouuerneurs des places,
mesme auec des Presidens & des Conseillers
des Cours Souueraines, qui sont tombez
par ses persuasions dans le dernier aueuglement.
Tous reconnoissent leur faute, ils
apprehendent la Iustice ; ils ne sçauent où ils
en sont, leurs consciences leur sert de bourreau ;
ils desesperent de la Clemence de leur
Roy, sans considerer qu’il a plus de bonté
pour leur pardonner, comme il fait, qu’ils
n’ont de malice pour l’offencer. Le Prince,
ou pour mieux dire la cause de tous nos maux,
rallume les derniers feux de sa rage ; il ne veut
point se sousmettre, il veut nous perdre. Il a
resolu de s’emparer des meilleurs quartiers
de la Ville, & desoler le Royaume, comme
ont tousiours fait les autres Princes de Condé.
Faut-il souffrir celuy-cy dauantage à Paris,
pour nous y attirer tous les fleaux du Ciel,
comme il fait par ses impietez & ses rebellions.
Sa Majesté demande qu’il en sorte auec
vne cinquantaine de ses adherans, qu’il mette
les armes bas, & qu’elle luy pardonnera.

Pour executer la volonté du Roy, il n’y a
plus d’Officiers legitimement establis dans