Roy & à la Reyne, pour leur faire cognoistre que ce peuple
ne pouuoit porter les charges que l’on luy imposoit pour cela
pendant le Te Deum, falloit-il mesler la ioye publique de
cruautez exercée sur des Magistrats de bonne vie. Paris prist
les armes pour esuiter vn plus grand desordre & sacagement
de la ville, les habitans au retour de leurs Magistrats les ont
quittées & rendu toutes les obeyssances qu’vn Prince doit
attendre de ses suiets.

De fait, le Roy & la Reyne tesmoignerent publiquement
qu’ils n’auroient de ressentiment aucun de ce sousleuement ;
& pourtant ce Cardinal s’en est voulu venger nuictamment
a faict enleuer nostre sacré depost qu’il retient comme captif
inuestir Paris par terre & par eau, sans considerer le nombre
infiny de gens d’honneur & d’innocens qui y sont, il veut
que les Bourgeois luy liurent ses Magistrats, c’est ce qu’ils ne
seront iamais, resolus plustost de perir.

Si ce Ministre estranger estoit politique, il sçauroit qu’il
ne faut rien entreprendre qui puisse endommager le gouuernement,
que perdant Paris, il partage la Couronne ou il h’a
rien, que Paris est le lieu de Saincteté. La residence des
Roys & la terreur des ennemis de l’estat, que faisant armer
ce peuple, il sera difficile ses forces reconnues de le pouuoir
desarmer. Les Roys maieure gouuernent tout autrement
leurs suiets, ils escoutent volontiers leurs remonstrances, &
ne les reiettent point comme faict ce Ministre, pour tousiours
dans la confusion faire regner sa tyrannie.

Vostre Saincteté voit les crimes execrables dans lesquels
le Cardinal est enueloppé, faisant la guerre à Dieu & à
quantité d’innocens, le sang respandu desquels crie incessamment
vengeance, pour laquelle esuiter, il doit obeyr à
vos saincts commandemens, & par sa retraicte donner la
paix à tous les Princes Chrestiens ; il ne faut pas qu’il s’imagine
que l’on luy laisse le maniment des affaires, ayant procure
les aduantages des ennemis de l’Estat. Ne sçait on pas
qu’il a retranché les compagnies de Cauallerie & faict perir