vn temps, dis-ie, où le bruit des armes n’estouffe point l’eloquence
des loix, & où la violence & les fougues de Mars
n’opprimẽt point la douceur de Themis. Ne vous estõnez,
dis-ie, pas, si apres auoir esté long-temps d’intelligence
auec vous, nous rompons auiourdhuy le neud de nostre
alliance, puisque nous vous croyons les principaux auteurs
du mal qui nous afflige, & qu’outre les viues atteintes que
nous en ressentons dans le particulier ; nous en compatissons
encore auec le public. Ce qui nous fait ouurir la bouche
pour vous faire auiourdhuy de tres-iustes reproches,
& pour vous dire des veritez importantes en eschange des
mensonges dont vous nous auez entretenuës par vos cajolleries.
Sçachez donc que c’est vous que l’on peur iustement
accuser de la cherté du pain, ayant l’aschement profané
l’vsage de la farine, en la faisant seruir d’ornement à
vostre corps plustost que de nourriture. Oüy, vos cheueux
en ont plus dissipé que vostre bouche, & vous en
auez plus fait deuorer en vn iour au collets de vos manteaux,
que vous n’en vseriez auiourdhuy en vn moïs pour
vous nourrir. Pernicieuse coustume, & maudite inuention
du vieillard amoureux, qui n’a point trouué de meilleur
moyen pour se rajeunir, qu’en faisant vieillit les autres
auec luy ; & qui pour cacher les deffauts de son aage, qui
ne paroissent iamais tant que par la blancheur des cheueux,
s’est aduisé de faire paraistre cette couleur agreable
aux yeux de la ieunesse pour luy communiquer ses deffauts
ou plustost pour les confondre en les rendant communs
auec elle, sinon en effet au moins dans l’apparence. Mais
ieunes Muguets trop innocens & credules, ne voyez vous
pas que vos visages n’en paraissent que plus vieux, & vostre
couleur plus bazanée ? pourquoy vous estes vous laissés

Page précédent(e)

Page suivant(e)