les Cours de Parlement & autres souueraines, chacune
diuersement en leurs sujets, sont les pieces fondamentales
de l’Estat, par lesquelles nos Roys ont heureusement perpetué
leur Royaume de Pere en fils iusques à huy : Partant
deuez principalement vous estudier au soustenement de
ces compagnies, & penser que ce sont les principalles armes,
par lesquelles en la minorité de nostre Roy, sa Majesté
& la vostre seront singulierement conseruées contre
tous ceux qui se flattans par leur ambition particuliere voudroient
commettre quelque attentat : chose que ie ne pense
deuoir aduenir, & supplie humblement Dieu qu’il n’aduienne.

Soulagement du commun peuple.

A La suitte de cecy il faut pouruoir aux plaintes communes
& trop veritables de la vexation du peuple,
par noualitez, tributs, creations, d’offices, partis & autres
semblables maux, par lesquels en promettant de vouloir
reünir le domaine de la couronne, on aliene à bon escient
le cœur du peuple principale domaine du Roy. C’est pour
quoy par vostre sagesse & conduite, iugerez s’il n’est point
besoin, sinon du tout, pour le moins le soullager d’vne bonne
& grande partie de ces nouuelles impositions & subsides.
Et singulierement d’abolir tout à fait ce party tant dommageable
qui redonne la vie à tant d’Estats, qui deslors de
leurs naissances estoient morts, il y a soixante ans passez,
dont le non vsage, d’vne longue ancienneté nous enseigne
qu’ils ne doiuent nullement reuiure. Quand ie di cela,
MADAME, ie veux dire que le Prince doit traitter ses sujets
à la façon des abbeilles, ne luy oster le miel & la cire. Mais
pour l’entretenir tousiours en vne bonne volonté, luy faire
part du fruict de son labeur : Car c’est le nourrisier qui par
son penible exercice entretient & fait viure le reste du
Royaume en repos. De luy vient le trafic, les richesses, l’or,
le tribut. C’est vne source qui découle incessamment sans