se doit elle adapter ; puis que nous voyons
ces choses à veue d’œil & en nostre propre
presence ? Et encor cellecy.

Nostre Princesse dis-je est née pour cela ; Car
en quel temps nostre France c’est elle veue,
cõme elle se void à present ; n’est elle point en
desordre ? Ce bonnet rouge ne signifie autre
chose que Mazarin lequel diminue incessamment
no forces, Cette Amazone qui est elle
que la fille de vostre Altesse Royale, laquelle
brisera tous les obstacles qui se pourront
opposer à elle, pour r’amener le Roy de
France dans sa Capitalle ville, qui est Paris,
dont le mot est transposé par celuy de Sirap,
ainsi nul ne peut viure s’il ne croit que ce soit
cette seconde Chasseresse des ennemis de la
France, qui vient vers nous pour appaiser les
querelles & les diuorces qui se rencontrent