leur peuple ; Ie vous responds qu’ils pourroient luy
estre ennuyeux, si le Roy, la Reine Mere ; & son Conseil
n’auoient assez de preuoyance, & de debonnaireté, pour
n’exiger des Habitans de Paris, ny du peuple de France,
que les deniers qui sont necessaires, & qu’ils peuuent fournir
sans beaucoup s’incommoder. Vous ne doutez pas que
les frais de la guerre ne soient grands, & excessif en cette
occasion, est contraint de demander des plus grandes sommes
par des tailles & des imposts que l’on ne feroit pas, si
nous auions la paix, dont nous esperons bien-tost vne glorieuse
joüissance, les Empires les plus florissants sont tombez
dans la domination des Princes Estrangers, par l’inteterieur
des-vnion & la des-obeïssance des peuples à leurs
legitimes souuerains. Si vous iettez les yeux dans l’Empire
de Perse & de Constantinople, vous trouuerez que ces peuples
sont tombez soubs la barbare domination du grand
Seigneur, qui les a constraint de quitter leur vraye Religion
pour suiure l’Alcoran : parce qu’ils s’estoient reuoltez contre
leur naturels souuerains, & auoient refusez de leur prester
secours, & de fournir de l’argent qui est le nerf de la
guerre pour faire subsister leurs armées contre celle de
leurs ennemis. Cette exemple nous doit faire tirer du sang
des vaines, & contribuer de tout nostre cœur aux frais de la
guerre presente, afin de maintenir nostre Roy tousiours victorieux
& de viure & de mourir soubs ses loix : N’auoüez-vous
pas que vous auez tort de vous plaindre des articles
accordez ; Examinez vn peu l’Estat present des autres
Royaumes de la terre ; Et vous trouuerez que les peuples y
supportent bien peu de charges & de subsides, que non pas
nous autres : Si le Roy deuoit suiure la volonté de ses sujets,
& regner à leur phantesie, il perdroit le tiltre de Monarque ;
ainsi la France qui est la premiere & la plus belle Monarchie
qui soit dans l’Vniuers, mais vne Demonocratie. Vous

Page précédent(e)

Page suivant(e)